Friday 星期五 - 晴天

星期五
忽冷忽热

架车最近唔知发乜嘢神经，呢度坏完到个度坏
上个星期先整完个防盗系统
点知呢个星期就轮到个冷气泵流水
重搞到乘客位度几乎湿晒
唉。。。。睇嚟呢一次唔破财都唔得囖。。。。

不过除咗架车发下神经之外
呢个星期对我嚟讲都算几有意义嘅
前几晚同亚高佬去USJ度睇苏丹杯八强嘅比赛
竟然俾我撞返读书时期嘅死党兼半个师傅亚威仔～

计计下自从毕业之后都有成六至七年冇见面喇
今次嚟到睇比赛我都有预感会撞返佢嘅喇
皆因佢以前係个篮球州手兼县手
所以佢今次嚟参加对我嚟讲都唔算出奇嘅
一问之下原来佢嘅队已经入咗四强
可惜嘅係寻晚佢个场四强比赛我冇去到睇
不过我相信如冇意外，都应该入咗决赛嘅喇
今晚决赛一定要去捧场支持下先得～

讲开又讲，今时今日我手波有返咁上下水准
真係要多得亚威仔你当年嘅指点同教诲
罚球、中距离射球、三分球个方面你真係教咗我唔少嘢
係度真係要同你讲声多谢加无限感激先得～

如冇意外，下一季嘅苏丹杯我可能会参加
如有机会对到你，我唔会留手嘅囖。。。。
不过你咁劲，实唔怕嘎喇～
哈哈～

Friday 星期五 - 阴天

星期五
细雨绵绵

基本上嚟讲呢个星期都冇乜特别事发生嘅
但係都俾D兼职搞到我要扑嚟扑去
见完呢个见又要见第二个，鬼死咁忙
不过都好彩，都算得上係搞掂咗喇D嘢
个心係度惗：
唉。。。。鬼叫你穷咩。。。。
唯有顶硬上喇～

计下计下
亚高佬只脚拗咗柴都有成两个星期咁耐
睇咗几次医生，重入咗几次厂添
睇嚟伤得都几严重下
喂，你快D帮我好返啊
我对新鞋等紧你同我1on1嘎，哈哈～

亚丽妹间公司终于搬咗
而且重搬到冇雷公咁远添
下次要饮茶就冇好似依家咁近喇
不过咁啱得咁翘
佢嘅新公司就搬咗去我个supplier间公司附近
下次得闲行开个区都重可以搵下佢嘅
有我咁嘅朋友算唔话得了卦，哈哈～

Talk 弊 - 广东话

氹（dang）哄；例如：氹你开心 = 哄你开心
乜（mie) 什么；例如：你做乜嘢 = 你做什么
廿（nian）<数> 二十
卅（sa）<数> 三十
冇（mao）没有；例如：有冇钱？= 有没有钱？
甴曱（gad zad）蟑螂
叻（le）很棒；例如：佢啲成绩好叻啵 = 他的成绩很厉害呵
冚（hem）全部；例如：冚家铲 = 全家死光光
氹（dang）哄；例如：氹你开心 = 哄你开心
攰（gui）累

佢（qu）他或她；例如：距係边个？= 他是谁？
呃（e）骗；例如：呃神骗鬼
抦（bing）殴打；例如：我哋去抦个条友 = 我们去揍那个傢伙
拎（lin）提、拿
拗（ao）矛盾
咁（gan）如此、这样；例如：咁样啊？= 这样啊？
咗（zuo）了；例如：食咗饭未？= 吃了饭没有？
呢（ne）、哩（li）这；例如：呢啲事=这些事
乸（na）雌性；例如：鸡乸=母鸡
咦（yi）、噫（yi）感叹词，啊（奇怪）； 例如：咦？

咯（lo）语气助词
咩（mie）什么；例如：有咩事？= 有什么事？
咪（mi）不要；例如：咪走~ = 不要走~
係（xi）是；例如：係乜嚟架？= 是什么东西来的？
吊（diao）操
唓（che）语气助词，表示鄙夷 = 切
哽（geng）当然；例如：哽係 = 当然是
唔（wu）不；例如：唔係 = 不是
俾（bi）给；例如：你俾我啦~ = 你给我吧~
屙（e）排泄；例如：屙尿 = 拉尿

掂（dian）完结或状态佳之意；例如：搞掂 = 办妥
掟（ding）扔
啫（ze）语气助词；例如：唔係啫 = 不是的
啰（luo）语气助词/啰嗦
唸（nian）想；例如：我唸咁做唔好卦？= 我想这样做不好吧？
啖（dan）口；例如：咬一啖 = 咬一口
啵（bo）语气助词
靓（liang）漂亮或表示幼稚；例如：靓仔 = 帅哥/小子
揾（wen）找、挣；例如：揾食 = 谋生
睇（di）看；例如：睇电视 = 看电视

嗟（jue）语气助词，感叹声；例如：嗟~好吧毙咩？= 切~很了不起么？
嘅（ge）的；例如：你嘅道服呢？= 你的道服呢？
喔（wo）语气助词
嗮（sai）语气助词 浪费
嗰（go）那；例如：嗰啲 = 那些
嘞（le）语气助词
嘢（ge）东西；例如：有嘢睇 = 有东西看
嘈（cao）吵；例如：嘈乜鬼 = 吵什么东西
嘎（ga）语气助词；例如：唔系咁嘎~ = 不是这样的~
嘥（sai）浪费、错过；例如：咁好嘅机会嘥咗 = 这么好的机会错过了

嗻（zhe）语气助词；例如：我先至20岁嗻~ = 我才20岁呀~
潎（pie）闪，走人
撩（liao）挑逗；例如：撩事斗非 = 惹事生非
瞓（fen）睡；例如：眼瞓 = 困顿
嬲（niao）生气/一向；例如：我好嬲/必嬲喺咁嘅 = 我很生气/向来都是这样的
嫐（nao）解释同上
嚟（li）来；例如：入嚟 = 进来
囖（lo）語氣助詞
吤（ge）例：将啲橙搣开一吤吤（一片片）
妳（ni）女的“你”

惗（nie）想 例：成日惗埋晒啲衰嘢
撇（pie）闪，走人
蠹（du）例：一蠹尿
淠（pei）例：一淠屎
氽（tun）例：一氽水
晏（yan) 晏昼（下午）；食晏 = 吃午饭
嗤（chi) 打乞嗤(打喷嚏)
啋（cai）啋佢都傻 = 傻瓜才理他
嚿（huo）一嚿石头 = 一块石头
啩（gua）你会应承啩？= 你会答应吧？

掴（guo）掴你几巴 = 打你几个耳光
揩（kai）揩油 = 占小便宜
嚡（hai）粗糙；例如：条脷好嚡 = 舌头很粗糙
悭（qian）悭钱 = 省钱
呷（xia）呷醋 = 吃醋
喐（yu）喐手（动手）例：唔好"郁"
踎（meo）近读 某；蹲；佢哋习惯踎住食嘅 = 他们习惯蹲着吃
啱（ngam）唔啱着 = 不合穿；啱先 = 刚才
奀（en）近读 银；奀瘦 = 瘦弱
闩（shuan）近读 山；闩门 = 关门

呔（dai）车呔 = 车胎
唞（teo）早唞 = 晚安；唞凉 = 乘凉
劏（tang）劏猪 = 杀猪
嗌（wo)
嚄（wo)
谂（shen)
邋（la）
遢（ta）

本人对广东话嘅研究虽然唔算得上係好专业
但係都係个网度搵咗唔少比较普遍同用得着嘅广东话
就趁呢个机会係度同大家分享下
以上係一部分用华语拼音拼出嚟嘅广东话
只要跟住D拼音嚟输入就可以搵到嘎喇
希望各位想认识多D广东话嘅朋友会锺意

Talk 弊 - 波鞋

有阵时真係咪话我话
网上购物真係比行出街买嘢有趣得多
前文都已经有提到本人四周围咁搵波鞋搵咗好耐
但係搵遍晒D大商场都搵唔到冇对啱心水嘅
而且价钱方面重好贵，完全超出晒D预算

但係皇天不负有心人，终于都俾我係个网度搵到
对鞋係对黑魂版Nike Air Power Force
呢对鞋都算巴闭喇，係亚Chris网友
係美国间Foot Locker度买返嚟嘅
皆因个size唔係好啱佢，所以就忍痛咁让给我
而且重係全新+超荀价添
係度真係要讲声多谢晒俾亚Chris网友先得

所以你话喇，网购係唔係鬼死咁有趣先？

Talk 弊 - 公牛条裤

寻日啱啱係1U某间铺头以超荀价入手咗条篮球裤
红黑白colourway，加埋Champion出品
似足晒90年代芝加哥公牛条裤咁，Retro到爆～

Friday 星期五 - 雨天

星期五
极度潮湿

顶你个肺，最近D交通唔知发生乜事
由返工到放工都係得个塞塞塞字。。。。
加埋落雨天，塞係条路度简直生不如死～

近排唔知係咪个人老咗，或者係无聊过头
再度迷恋返打篮球，打咗都有几日喇
太耐没打，成个人几乎散晒～
再加埋剩係着对Jack Purcell，对鞋完全没D气囊
搞到我对脚重鬼死咁痛～
唉。。。。睇嚟唔认老都唔得喇。。。。

前几日，约咗时间话放工去亚Kenny度整车
点知放工个阵又落雨，搞到迟晒大到
佢都算唔话得喇，落咁大雨都係度等我
正不愧係我识咗十几年嘅老友～
check完架车，就同亚Kenny一齐去食夜晚个餐
两个人边食边倾，倾咗唔少关于生意上嘅嘢
佢係生意上嘅经验分享令我受益不浅
呢餐饭食得真係有意义～
佢重卖埋张单，搞到我鬼死咁唔好意思～

皆因着对Jack Purcell嚟打篮球真係好不掂
所以寻晚就决定同亚高佬两条友去谷中城度睇波鞋
但係D款鬼死咁少，搵嚟搵去都没对啱心水
加上budget上嘅预算唔係好多，最后都係空手而归
睇嚟唯有见步行步喇。。。。

Scandal - 恋模様 PV

好啦，皆因受亚Florence妹所托
係度就提早送上Scandal嘅其中一首主打歌曲PV
歌名叫“恋模様”，其本上首歌嘅PV係有两个版本嘅
一个係真人演绎，一个係Anime
但小弟就只係放个真人演绎嘅上来
俾大家见识下佢地可爱咁演绎摇滚嘅庐山真面目囖～

Portfolio - Concept

跟住落嚟，会返到起点
写关于之前本人所放，即係D衫裤鞋袜背后嘅嘢
因为之前时间实在太过紧逼，加上工作繁忙
所以就粗粗地咁斋放D图上嚟顶住档先

由下星期开始，我会慢慢咁
将每件衫裤鞋袜背后各种唔同嘅嘢
好似设计概念、颜色配搭、风格路线等
完完整整咁写晒出嚟

俾D时间我准备下～

Friday 星期五 - 晴天

星期五
风和日丽

几日前放咗工冇嘢做
就约咗两个旧同学，亚丽妹同亚强哥饮茶
惗惗下，自从亚丽妹换工之后
都有成半年冇见过佢咗

一排冇见，大家都几多嘢倾下
好耐都冇试过咁过瘾喇
唔经唔觉都倾咗有成三粒钟咁多

睇见佢，比以前成熟咗
再听返佢讲D关于新公司D嘢同运作
先知佢係度学咗唔少嘢
接触D人同嘢多咗，连个人都变成熟咗
係度想同佢讲声呢D係好事嚟嘅
继续加油囖，亚丽妹～
哈哈～

呢几日，有个朋友同我争论咗个问题
佢话，一个人嘅设计风格唔可以改变
但係一个人嘅设计宗旨就可以改变
我係度唸，有冇搞错啊
咁都得？

皆因大家嘅惗法唔一样
我都唔同佢吵咁多
免得为咗D小事而伤大家感情

迟下我会写篇关于以上所争论嘅嘢
表达我对呢个问题嘅惗法
同我对佢唔认同嘅意见等等

呢个星期嘅周记就係咁多
到此为止～

Portfolio - Girl V Neck Long Sleeve Tee Vol.4 Unreleased

版权所有，翻印必究

Portfolio - Girl V Neck Long Sleeve Tee Vol.3 Unreleased

版权所有，翻印必究

Portfolio - Girl V Neck Long Sleeve Tee Vol.2 Unreleased

版权所有，翻印必究

Portfolio - Girl V Neck Long Sleeve Tee Vol.1 Unreleased

版权所有，翻印必究

Portfolio - Girl Big Round Neck Tee Vol.1 Unreleased

版权所有，翻印必究

Talk 弊 - 星期五

写咗两篇日记，日子都係星期五
惗下惗下，觉得都係冇乜好

闲时工作个阵虽然冇乜嘢写
但斋写星期五个日就变得好似怪怪地咁
所以接落嚟嘅日记会有多少变动
就係将每个星期发生嘅嘢
缩成一篇，从日记变成周记
而日期同样係星期五

照我咁惗就应该会好D
可以回顾整个星期嘅嘢同冇咁单调之余
重可以悭D时间俾我写D好嘢上嚟
睇嚟应该都会唔错下

讲多冇谓，下一篇就会係咁

Art - UC 高桥盾

UC，又名Undercover
创立于1994年，由高桥盾( 创办人/设计师 )所建立
本人最欣赏嘅服装品牌之一
设计风格/概念偏向：
黑暗。诡异、歌德、反叛、抽象、暴力、疯狂等
各种唔同嘅古怪元素
而设计师高桥盾更得本人所敬佩

高桥盾，又名Jun Takahashi
1969年出生于群马县，1989年入读于文化服装学院
修读文化服装流行设计系，毕业于1991年
高桥盾当年係学院读二年班个阵时，认识低他一年级嘅Nigo
两人一拍即合于1993年係原宿成立咗NOWHERE
取名自Beatles名曲《NOWHERE MAN》
1994年联同当时创办AFFA的藤原浩，正式成立Undercover
当时高桥盾係NOWHERE度用Shop In Shop嘅概念经营
同年更首次以Undercover嘅名参与94-95秋冬东京时装展

1995年11月，高桥盾发表《Under The Cover》一书及录影带
并收录了佢嘅设计同作品等大作
95/96秋冬系列，高桥盾以《Speed》作为首个有名字嘅系列名称
1997年9月高桥盾获“每日Fashion大赏”新人奖
2001年更夺得大会嘅大奖

呢个时候UNDER COVER係里原宿开始找来Artist合作
如FUTURA 2000、KAWS、W)TAPS、BAPE、VANS、NGAP等
都曾与UNDER COVER合作过

至1998年正式係南青山开设首间专门店
秋冬系列更搵嚟FUTURA 2000合作製作G.I.JOE用嘅Icon
99-00年秋冬推出《Ambivalence》系列
推出可以反转Reversible嘅时装

00年请来KAWS合作推出《Teaser》系列
推出一系列相片加工Graffiti之后嘅《Melting Point》

01年春夏嘅《Chaotic Discord》
爆出一个经典嘅《骷髏头闪电Logo》
当年一SET六个嘅骷髏头闪电腰包套装
更成为当年头号热爆对象
之后01年秋冬《D.A.V.F》系列出现嘅钻石同水晶闪电图案
以《Decorated Armed Voluntary Forces》命名
以反战为口号，係服饰上加上水晶宝石作装饰
效果係当时可想而知係几咁震撼

2001年9月，UNDER COVER新事务所成立
名为《Under Coverlab》
呢个楼高两层嘅私人房间，摆放了大量高桥盾所喜爱嘅单品
亦都係高桥盾往后嘅巨型收藏室

02年春夏嘅《Haze》系列，以Anti-War为主题
创造咗善良版科学怪人Keiv同邪恶版双眼汉堡包的Icon
而《汉堡包》更成为Undercover嘅经典Icon之一
之后嘅秋冬系列《Witch's Celldivision》则係魔女细胞分裂
顾名思义当然係用上魔女、十字架等作主题
2002年2月Undercover新店正式係南青山开幕

而UNDER COVER真正最令达人注目嘅系列
就一定要数《Scab》
高桥盾第一季係巴黎Fashion Week初次啼声
呢季高桥盾一出手立即震撼巴黎、日本等时装界
一个Ready To War系列用上大量人手加工
呢季完完全全咁保持佢重重重叠叠Overlaying嘅着衫方法
再加上佢最拿手嘅Puck/Rock螺丝头
小熊等配合印度珠串子作点缀
令高桥盾呢个名字，一夜间立即成为巴黎嘅热门话题

经过初回登陆Paris Fashion Week
2003年秋冬，高桥盾嘅第二个巴黎时装秀
主题名称《Paper Doll》
用咗拼贴纸公仔及Dot柄做灵感
开始回归以后印花、Photo Print贯穿整个系列
到咗今时今日，Dot柄依然係非常热门
完全不受时间所洗礼

高桥盾係04春夏嘅《Languid》溶解系列
再次带来时装界嘅另一次衝击
所谓溶解係響视觉上令件衫拉长咗
或者弄歪变弯曲外形咁解
这季高桥盾揀咗孪生姊妹嚟做模特儿行秀
两人无论装束、髮型、样貌和鞋子都都差唔多
但一个就着上正常服装
而另一个就着上同色同款嘅溶解版本
呢季重刻意製造中性化形象
如衬衫、西裤、短靴等都冇乜太女性化嘅摡念
所以一切都变得好简约

2004年秋冬，高桥盾推出另一经典
《But Beautiful….Part Parasitic Pat Stuffed》
引发高桥盾开展But Beautiful嘅布艺雕塑家
Anne-Valerie Dupond缝製嘅怪鱼布偶
这条怪鱼就係当年巴黎时装秀嘅入场礼物兼入场卷
高桥盾于此时开始全嘅新概念性系列
亦延续其异形怪兽世界观，呢次更一次过推出六个系列
分别係Mens、Ladies、Kids、Tee、Accessories及Trash
呢次高桥盾更将烂边及反车骨嘅缝製融入But Beautiful系列
分别係Accessories分支，布袋太阳眼镜、布袋十字架等

係Undercover嘅东京预演，令艺术家Madsaki与高桥盾相遇
随即成为多年好友兼工作拍档
2004年6月两人係多年间以《Dark Pop Fantasy》为口号
将抽象、暴力、攻击性、得意、疯狂、怪异嘅图案
合製成十多件反应高桥盾与Madsaki嘅作品
But Beautiful系列当中，高桥盾係参与
Collette Meets COMME des GARCONS嘅限定店期间
与法国背包品牌Herve Chapelier合作为
Collette Meets COMME des GARCONS做咗四只异兽背囊布偶
完全贯彻这季嘅异兽理念

2004年6月高桥盾获芝加哥
《The Museum Of Comtemporary Art》嘅邀请
参与《Skin Tight The Sensibility Of The Fresh》嘅展览
9月又再参与《Moderna Museet》展办《Fashionation》嘅展览

But Beautiful取得嘅空前成功，2005年春季高桥盾决定再接再厉
推出了《But Beautiful II》
更以《Homeage To Jan Svankmajer》为副题
Jan Svankmajer係捷克超现实派嘅导演
呢次高桥盾特别为Jan曾执导嘅电影《Alice》致敬
But Beautiful II系列不再以暗黑异兽作主题
反而灵感係来自《Alice》戏内爱丽斯所遇到嘅奇异经歷
如内臟、骷髏、士多啤利及蝴蝶Print
假髮颈饰、眼球钮扣、饼乾陀表等，将一切扭曲嘅梦境变成真
但But Beautiful II就保留咗上季源用嘅不规则车线
抓毛内笼、大小眼球钮等元素

玩咗两季异兽及恐怖Icon后，2005年秋冬系列《Art & Crafts》
高桥盾继续佢喜爱嘅中性打扮
近乎用男装设计做女装，更加入好多西装元素
如Tuxedo款、西装背心结合白色恤衫等
一律羽毛同骷髏头拼贴颈巾,亦见其用心之处
高桥盾已成功係巴黎彻底奠定其地位

到咗2006年春季，系列名称《T》，
这季高桥盾的设计灵感来自德国电音先锋《Klaus Schulze》
用上Klaus Schulze的唱片封套作Tee Print

唔好意思咁多位
因为所收集嘅资料当中，比较仔细嘅只係到2006年春季
落嚟个D都係好散，唔係好完整
所以就冇放上嚟
希望大家唔好介意

睇过以上咁多嘅资料介绍
相信大家都对高桥盾呢位设计师认识唔少喇
好似以上所提到，高桥盾拿手嘅各种古怪元素
真是令小弟所敬佩嘅主要原因之一
黑暗。诡异、歌德、反叛、抽象、暴力、疯狂
奇特剪裁再加上多元化嘅古怪用料
显出佢对时装另类嘅创作同追求
完全符合晒本人所追求嘅构思同意念

以下係高桥盾係Honeyee嘅Blog
有时间嘅可以去睇下嘎～

http://blog.honeyee.com/jtakahashi/

The Godfather 教父系列 - 经典回顾 Vol.2

啱啱所介绍嘅係第一部教父，亦都係系列中最经典嘅一部
改编自马里奥·普佐( Mario Puzo )嘅同名畅销小说

1969年出版嘅长篇小说《教父》係美国出版史上嘅头号畅销书
它详尽地描述美国纽约５大黑帮势力集团之一
维托·唐·科莱昂一家采用各种极端手段
实现咗在整个美国黑帮势力团体中嘅独尊地位嘅全过程
这场斗争中有黑帮团伙之间嘅火拼，有走私贩毒嘅嚣浪
有赌场嘅烟云，有红灯区嘅人欲横流
本书更被认为係描写资本主义社会中黑社会现象嘅最具权威作品

由荷里活青年导演科波拉执导嘅电影版
巧妙地将小说嘅精髓原汁原味咁表达出来
详细地描述咗黑手党嘅产生、发展过程
影片讲述外来移民点样为生活所逼，铤而走险
靠走私、赌博、贩毒、谋杀
而係美国嘅社会之中争得一席之地
点样依赖非法营生而逐步发展壮大
其势力渗透到各个领域，在政府枢纽部门都有佢地嘅代理人
当佢地羽翼丰满时，便不满足于现有嘅非法地位
力求融入合法社会，毫无恐惧咁享受佢地嘅财富
然而，最讽刺嘅係，佢地由非法社会向合法社会嘅过渡
偏偏係依靠非法嘅暴力行为所完成
影片的深层意义在于它为美国电影史上
一个十分悠久嘅经典类型——犯罪片开拓了宽广嘅前景
它不仅拓展咗犯罪片嘅表现领域
其思想意义同内涵都远远超越咗暴力嘅范畴
并将主题升华为人类社会中最常见嘅
权力交替中的深层意义——权力与罪恶的关系

影片在于1972年03月15日美国上映时轰动一时
更取得了商业同评论上嘅双重成功，而领到黑帮电影诞生
掀起黑帮电影变成当时嘅一种新潮流
更深深地咁影响咗唔少接住嚟嘅电影人
片中“教父”嘅扮演者马龙·白兰度
更带动咗“马龙·白兰度热”好似旋风一样咁波及整个世界
而导演科波拉更因此而奠定咗佢係荷里活中“教父”地位

马里奥·普佐当年创作的小说《教父》
是美国文学创作中的一个转折点
它使黑手党问题引起了举国上下的普遍注意
从20世纪70年代初开始
反映黑手党的作品就如雨后春笋一般繁盛起来
但是我们认为，没有一部能同《教父》相提并论
——美国《旧金山时报》

科波拉的《教父》以精细的笔墨
描述了黑手党全盛时期的家族恩怨
在这部格局庞大、情节复杂、人物众多的大制作中
科波拉把整部影片处理得有条不紊、扣人心弦
其高超的专业技巧不得不令人叹服
科波拉在选角方面的独到之处也叫人刮目相看
他大胆起用在影坛沉寂多年的马龙·白兰度饰演教父一角
不仅使其成为奥斯卡影帝，也让他再次成为超级巨星
《教父》系列共拍了3部
它的续集也得以进入美国百部经典电影之中
它是惟一一部挤进“百大”的续集电影
——美国电影艺术与科学学院

《教父》是自《公民凯恩》以来最出色的一部美国影片
它把黑手党作为一个隐喻，不仅暗指非法生意的腐朽
而且暗指着所有的权力中心——其中主要包括政府的腐败
——《纽约时报》

在《教父》里，自然与文明的对立似乎已不存在
银幕上呈现的是一个单一的世界
科莱昂早已通过暴力建成庞大的家族
获得了稳固的社会地位
匪帮也已从过去对商业组织的模仿变成了真正的企业
并向社会各领域渗透
在这里，自然与文明已经不知不觉地融为一体了
——著名影评人　冯凯　国胜连

The Godfather 教父系列 - 经典回顾 Vol.1

戏名：教父 The Godfather
导演：弗朗西斯·福特·科波拉 Francis Ford Coppola

主演：
马龙·白兰度 Marlon Brando
阿尔·帕西诺 Al Pacino
詹姆斯·凯恩 James Caan
理查德·卡斯特尔诺 Richard S. Castellano
罗伯特·杜瓦尔 Robert Duvall
斯特林·海登 Sterling Hayden

上映：1972年03月15日 美国
对白：英语 意大利语 拉丁语
评分：IMDb评分9.1/10 ( 318224票 )
颜色：彩色
时长：175分钟
类型：犯罪 剧情



剧情介绍：
1945年夏天，美国本部黑手党科莱昂家族首领
“教父”维托·唐·科莱昂为小女儿康妮举行盛大嘅婚礼
“教父”有三个儿子：
好色嘅长子逊尼
懦弱嘅次子弗雷德
同啱啱係二战战场返来嘅小儿子迈克
其中逊尼係“教父”嘅得力助手
而迈克虽然精明能干，但对家族嘅“事业”冇乜兴趣
“教父”係黑手党首领，常作违法嘅勾当
但同时佢都係好多弱小平民嘅保护神，深得人们爱戴
佢重有一个准则就係决不贩毒害人
为此佢拒绝咗毒枭素洛佐嘅要求
并因此激化咗与纽约其他几个黑手党家族嘅矛盾
圣诞前夕，素洛佐劫持“教父”嘅大女婿汤姆
并派人暗杀“教父”，“教父”中枪入院
素洛佐要汤姆设法令逊尼同意毒品买卖，重新谈判
逊尼有勇无谋，佢发誓报仇，但无计可施
迈克去医院探望父亲，佢发现保镖早已被收买
而警方亦同素洛佐同流合污，各家族间嘅火拼一触即发
迈克制定咗一个计策诱使素洛佐同警长前嚟谈判
係一间细餐馆内，迈克用事先藏係厕所内嘅手枪
击毙咗素洛佐同警长
迈克逃到西西里，係个度佢娶咗美丽嘅阿波萝妮亚为妻
过住田园诗般嘅生活
而此时，纽约各个黑手党家族间嘅仇杀越嚟越激烈
逊尼都被康妮嘅丈夫卡洛出卖，被人打得千疮百孔
“教父”伤愈复出，安排各家族间和解
听到噩耗嘅迈克都受到袭击
被收买嘅保镖法布里奇奥係迈克架车度装咗炸弹
迈克虽幸免于难，但却痛失爱妻
迈克于1951年返到纽约，并同前女友凯结婚
日益衰老嘅“教父”将家族首领嘅位置传咗俾迈克
係“教父”病故之后，迈克开始咗佢酝酿已久嘅复仇
佢派人刺杀咗另两个敌对家族嘅首领
并亲自杀死谋害佢前妻嘅法布里奇奥
同时佢都命人杀死咗卡洛，为逊尼报咗仇
仇敌尽数铲除
康妮因为丈夫被杀而冲咗入家门，疯狂咁撕打迈克
迈克冷峻咁命人将康妮送进疯人院
最后佢顺理成章咁成为新一代嘅“教父”——迈克·唐·科莱昂

美国国家电影保护局 / National Film Preservation Board, USA 1990
国家影片登记 / National Film Registry 获奖

第45届奥斯卡 《教父》获得15项提名，得到：
最佳影片，最佳男主角，最佳编剧
3项大奖

奥斯卡奖 / Academy Awards, USA 1973
最佳电影 / Best Picture 获奖

奥斯卡奖/ Academy Awards, USA 1973
最佳男演员 / Best Actor in a Leading Role
获奖 马龙·白兰度

奥斯卡奖 / Academy Awards, USA 1973
最佳男配角 / Best Actor in a Supporting Role
提名 詹姆斯·卡安

奥斯卡奖 / Academy Awards, USA 1973
最佳男配角 / Best Actor in a Supporting Role
提名 罗伯特·杜瓦尔

奥斯卡奖 / Academy Awards, USA 1973
最佳男配角 / Best Actor in a Supporting Role
提名 阿尔·帕西诺

奥斯卡奖 / Academy Awards, USA 1973
最佳导演 / Best Director
提名 弗朗西斯·福特·科波拉

奥斯卡奖 / Academy Awards, USA 1973
最佳编剧 / Best Writing, Screenplay Written Directly for the Screen
获奖 马里奥·普佐

奥斯卡奖 / Academy Awards, USA 1973
最佳编剧 / Best Writing, Screenplay Written Directly for the Screen
获奖 弗朗西斯·福特·科波拉

奥斯卡奖 / Academy Awards, USA 1973
最佳服装设计 / Best Costume Design
提名 Anna Hill Johnstone

奥斯卡奖 / Academy Awards, USA 1973
最佳剪辑 / Best Film Editing
提名 William Reynolds

奥斯卡奖 / Academy Awards, USA 1973
最佳剪辑 / Best Film Editing
提名 Peter Zinner

奥斯卡奖 / Academy Awards, USA 1973
最佳音效 / Best Sound
提名 Charles Grenzbach

奥斯卡奖 / Academy Awards, USA 1973
最佳音效 / Best Sound
提名 Richard Portman

奥斯卡奖 / Academy Awards, USA 1973
最佳音效 / Best Sound
提名 Christopher Newman

奥斯卡奖 / Academy Awards, USA 1973
最佳音乐/歌曲 / Best Music, Song
提名 Nino Rota

第30届金球奖 《教父》获得8项提名，得到：
最佳影片，最佳导演，最佳编剧
最佳男演员，最佳电影歌曲/音乐
5项大奖

金球奖 / Golden Globes, USA 1973
最佳电影(剧情类) / Best Motion Picture - Drama 获奖

金球奖 / Golden Globes, USA 1973
最佳男配角 / Best Performance by an Actor in a Supporting Role in a Motion Picture
提名 詹姆斯·卡安

金球奖 / Golden Globes, USA 1973
最佳导演 / Best Director - Motion Picture
获奖 弗朗西斯·福特·科波拉

金球奖 / Golden Globes, USA 1973
最佳编剧 / Best Screenplay - Motion Picture
获奖 弗朗西斯·福特·科波拉

金球奖 / Golden Globes, USA 1973
最佳编剧 / Best Screenplay - Motion Picture
获奖 马里奥·普佐

金球奖 / Golden Globes, USA 1973
最佳男演员(剧情类) / Best Performance by an Actor in a Motion Picture - Drama
获奖 马龙·白兰度

金球奖 / Golden Globes, USA 1973
最佳男演员(剧情类) / Best Performance by an Actor in a Motion Picture - Drama
提名 阿尔·帕西诺

金球奖 / Golden Globes, USA 1973
最佳电影歌曲/音乐 / Best Motion Picture Score
获奖

The Godfather 教父系列 - 经典回顾预告

经典电影《教父》系列嘅回顾预告
教父系列，我最最最喜爱嘅电影
皆因最近工作上比较忙，冇乜时间
所以暂时放D电影嘅片头相上来先
俾大家feel下乜係《教父》嘅精神
迟下我会详细咁同大家分享呢部经典嘅精髓
stay tune～

Scandal 单曲 - YAH! YAH! YAH! HELLO SCANDAL

YAH!YAH!YAH!HELLO SCANDAL 单曲
01-恋の果実
02-スペースレンジャー
03-恋模様
04-カゲロウ

嚟自日本大阪嘅Scandal
係由四个年轻貌美，经常着住校服
热爱摇滚嘅高校女生所组成
最近都几人气急升下嘅摇滚组合

啱啱试听完单曲内嘅四首歌曲
曲风方面，唔可以要求咁多啦
感觉上几一般的pop rock摇滚
曲风同技巧上重有D嫩，重咪够成熟
风格上唔係好明显，不过都算几可爱啦
电车男嘅market睇来应该都会唔错下

歌唱方面，本人觉得几ok下嘎
主音把声都几Q，几甜咁
日本妹嘅可爱指数果然唔搞得笑嘅
其他和音嘅都係，直情就人靓声甜啦
无得顶，嘻嘻～

迟下会放D佢地嘅PV上来
钟意睇人靓声甜嘅，记住密切留意囖~

Portfolio - Polo Vol.6 Unreleased

版权所有，翻印必究

Portfolio - Polo Vol.5 Unreleased

版权所有，翻印必究

Portfolio - Polo Vol.4 Unreleased

版权所有，翻印必究

Portfolio - Polo Vol.3 Unreleased

版权所有，翻印必究

Portfolio - Polo Vol.2 Unreleased

版权所有，翻印必究

Portfolio - Polo Vol.1 Unreleased

版权所有，翻印必究

Portfolio - Polo

Tee系列之unreleased版要係度暂时停一下先
皆因Tee系列中，unreleased版嘅file都几多下
而且风格上有些少唔同，我惗分开放会比较好
俾D时间我整理下，迟D先upload上嚟

呢段时间就先送上Polo系列嘅unreleased版先
接住落嚟就会到其他系列嘅unreleased版继续送上
千其咪走鸡～

Friday 星期五 - 晴天

星期五
今日好晒

啱啱放完假，冇所事事嘅两日假
带住沉重嘅心情，顶住好猛嘅太阳
8点就到公司，落车晒到9点等人开门
顶你个肺，几乎晒到中暑

返入公司，哗。。。。
先知呢一刻我最爱嘅係部冷气
猛咁吹，係咁吹
好耐先调剂好返条气，舒服晒～

唔知点解，D假期mood仲係度
单吊一日，做一日放一日
搞到D心情唔上唔落，鬼死咁难受

再加上近排对眼冇乜舒服，睇嘢有D攰
都唔知係不係近排煲太多DVD咗
过两日真係要搵医生睇下先得

唔讲咁多，俾对眼休息下先
係咁～

Talk 弊 - 风格

睇过咁多嘅Tee，
係唔係觉得好多都是黑色嘅咁
冇错，基本上来讲大多数都係
黑色或者白色，可以算係T-Shirt中嘅基本色
我本身，就比较锺意将D设计摆係黑色衫度

好啦，係度想问下
会不会觉得D衫嘅设计比较偏向黑暗/诡异
冇错，黑暗/诡异就係本身一路嚟嘅风格
之前所upload个D就属于比较旧嘅设计
係初初入嚟呢间公司果阵时所做嘅
本身几喜欢下嘎，话晒都係跟住自己嘅惗法做出嚟嘅
依家睇返起仲觉得几黑暗，几ok下
啱晒我嘅口味，哈哈～

可惜喇，最后都係胎死腹中
老细话唔锺意，全部都唔要
话太hardcore，唔係个个人接受得到
惗返起当时都几hurt下嘎，嘻嘻～

不过咁，佢都有佢嘅道理
D衫嚟嚟去去都係黑衫白印，或者白衫黑印
虽然係，本身好锺意
但係睇得多就会变得好普通，好一成不变
佢讲到都几啱，话晒都係食盐仲多过我食米
佢就要求我加D颜色同D简单嘅设计上去
冇计 ，唯有係咁

就係咁，我就跟住佢要嘅嘢嚟做
但坚持D衬嘅颜色一定要係黑色
都好彩，到最后黑色嘅衬依然都係主打颜色
而设计个方面，就从黑暗/诡异中
演变成接住落嚟我要介绍嘅下一批设计
但就冇咁快嘅，先係度卖个关子先
嘻嘻～

通则变，变则通
有时惗到，风格对一位设计师来讲固然重要
但都要学识点样去变通，点样去跟住D潮流改变
不过，又唔可以完全迷失自己本身所拥有嘅风格喔
到目前嚟讲我本身依然都係度不停咁学习紧
保持风格同会变通之余，仲要顾及市场同消费者D要求
呢点先至艰难～