唔經唔覺，戴咗副Gucci黑框都有成五六年咁耐不久之前就惗住想換副新嘢嚟玩下
一直以嚟本人最愛old skool，最愛黑框
所以今次嘅目標就係長青品牌Rayban嘅Wayfarer
之前本人已經做咗唔少功夫係資料搜索度
據我所知目前係市面上Wayfarer嘅存貨非常之少
而且不少代理商收埋啲貨嚟度炒高個價
搞到啲貨買少見少，有市都冇貨
由年頭話要買，買到家下都重未買到
前陣時認識咗一位係眼鏡業呢行打滾咗唔少年嘅友人
一位好專業、好好傾嘅眼鏡銷售員
去佢間店坐一坐幾乎令我對眼鏡嘅認識倍增
而且介紹咗唔少黑框俾我，價錢方面都好公道
不過唯獨係小弟想搵嘅Wayfarer就一副都冇
一問之下果然跟我所搜索返嚟資料嘅一樣
代理商入嘅貨都唔多，有貨嘅話都要等一段時間先有
唯有拜托呢位友人一有貨嘅話一定要通知我
各位如有興趣想買嘅話記得睇清楚
皆因市面上翻版A貨好多，而且重幾可亂真
唔小心買到啲翻版A貨就唔係咁好
7 comments:
果然係黑框中嘅极品，睇落認真夠潮爆！
reply keon：黑框之王，非呢款莫屬
好耐以前我都想买只黑框嘅眼镜．．．
但係我始终都买唔到啱心意嘅．．．
结果买到称嘅都係Ｄ奇怪颜色．．．紫／粉红色．．-_-lll..讲正啦．．我最讨厌粉红ｚｚｚ
reply flo：哈哈。。你咁鐘意青色，應該買青色先啱 :P
问题都係挽唔到称我嘅青色眼睛~哈哈
reply flo：下次叫埋我一齊去揀，實揀到嘅。。哈哈
好好如果要机会:P
Post a Comment