Juice in KL

陳冠希旗下間服裝店Juice將會係KL開第一間嘅海外分店

好期待Clot，Devilock，Head Porter，Visvim等各牌子嘅來臨

想深入了解更多詳情可以按以下網址

http://www.clotinc.com/

Converse One Star

邊度可以搵到呢款鞋？

Rayban Wayfarer

唔經唔覺，戴咗副Gucci黑框都有成五六年咁耐
不久之前就惗住想換副新嘢嚟玩下
一直以嚟本人最愛old skool，最愛黑框
所以今次嘅目標就係長青品牌Rayban嘅Wayfarer

之前本人已經做咗唔少功夫係資料搜索度
據我所知目前係市面上Wayfarer嘅存貨非常之少
而且不少代理商收埋啲貨嚟度炒高個價
搞到啲貨買少見少，有市都冇貨
由年頭話要買，買到家下都重未買到

前陣時認識咗一位係眼鏡業呢行打滾咗唔少年嘅友人
一位好專業、好好傾嘅眼鏡銷售員
去佢間店坐一坐幾乎令我對眼鏡嘅認識倍增
而且介紹咗唔少黑框俾我，價錢方面都好公道
不過唯獨係小弟想搵嘅Wayfarer就一副都冇

一問之下果然跟我所搜索返嚟資料嘅一樣
代理商入嘅貨都唔多，有貨嘅話都要等一段時間先有
唯有拜托呢位友人一有貨嘅話一定要通知我

各位如有興趣想買嘅話記得睇清楚
皆因市面上翻版A貨好多，而且重幾可亂真
唔小心買到啲翻版A貨就唔係咁好

Talk 弊 - 塞尔特人条裤同埋骑士条裤

上星期日趁住购物嘉年华啱啱开始，就去咗1U度行下
好自然咁就旧地重游去咗某间铺头度扫D平货
今次又再以超荀价係个度入手咗两条篮球裤

个款同之前所入手条芝加哥公牛嘅红黑白colourway一样
不过就换咗係青白colourway嘅波士顿塞尔特人颜色
同埋深红白colourway嘅克里夫兰骑士颜色
两条裤同样係Champion出品，鬼死咁old skool
唔洗讲个Retro指数肯定爆晒灯喇～

Talk 弊 - 篮球衫

星期六个日又一次以超荀价25蚊
係高峰广场入手咗件Adidas嘅篮球衫
蓝白colourway，贴身剪裁加埋排汗质料
咁嘅价钱，唔买又点对得住自己啫係咪先～

Talk 弊 - 辅助装备

寻日买跑步鞋之余，都买咗D装备做辅助之用
首先要讲嘅係Nike嘅Terry Headband
近来D头发都留到几长下，尤其是係前面
当打波个阵往往会整到对眼好鬼唔舒服
而且重会阻住D视线，睇嘢睇唔清楚
所以就需要用到个Terry Headband嚟度绑住D头发
可以防止D头发整到对眼之余，重可以唔俾D汗流入对眼度

而第二样嘢都係同样嚟自Nike嘅Knee Sleeve
皆因本人只左脚之前因为打波而严重咁拗过柴
所以到咗今时今日，唔多唔少都会有D影响
为咗预防依家打波会唔小心伤到个旧患
免不了要用到个Knee Sleeve嚟度保护我只脚
寻晚试着咗，包扎后D质感都唔错下
用料上都算有心思，透气方面都做得几好

Talk 弊 - 跑步鞋

我有个习惯，就係做唔同嘅运动要着唔同嘅鞋
好似篮球要有篮球鞋，足球要有足球鞋
跑步要有跑步鞋，爬山要有爬山鞋等
就连行街嘅波鞋都要有唔同嘅分类
每样都分得很清楚，唔会捞乱咁嚟着

寻日又再度去咗谷中城度搵波鞋
不过咁次唔係搵篮球鞋，係搵跑步鞋
皆因至少有六到七年冇打过波咗
所以为咗练返条气，就决定买对跑步鞋
嚟度用嚟跑步，帮助恢复条气之用

本人出身地下层，对于名牌呢样嘢不嫐都係得个睇字
所以专门店D嘅嘢我唔会去睇，都冇咁嘅本事去买
再加上对鞋係辅助之用，所以平、靓、正会係我嘅第一选择
就係咁，我就係Jusco度以少过100蚊入手咗对Admiral跑步鞋
而且重俾埋个九折你，平、靓、正呢三样嘢都差唔多几乎有齐晒
款头方面，基本上都冇乜点要求
係咁易揀返对比较顺眼、似跑步鞋款嘅就算

Talk 弊 - 波鞋

有阵时真係咪话我话
网上购物真係比行出街买嘢有趣得多
前文都已经有提到本人四周围咁搵波鞋搵咗好耐
但係搵遍晒D大商场都搵唔到冇对啱心水嘅
而且价钱方面重好贵，完全超出晒D预算

但係皇天不负有心人，终于都俾我係个网度搵到
对鞋係对黑魂版Nike Air Power Force
呢对鞋都算巴闭喇，係亚Chris网友
係美国间Foot Locker度买返嚟嘅
皆因个size唔係好啱佢，所以就忍痛咁让给我
而且重係全新+超荀价添
係度真係要讲声多谢晒俾亚Chris网友先得

所以你话喇，网购係唔係鬼死咁有趣先？

Talk 弊 - 公牛条裤

寻日啱啱係1U某间铺头以超荀价入手咗条篮球裤
红黑白colourway，加埋Champion出品
似足晒90年代芝加哥公牛条裤咁，Retro到爆～