Unknown Pressures

未知嘅壓力，未知嘅變數
壓到我唞唔到氣

一支辛辣嘅煙，一個清靜嘅地方
真係可以幫到我？

拗柴

星期日打籃球只右腳拗咗柴，痛之余重有啲興奮

Talk 弊 - Back To Basic in progress

重要通告

回歸原點計劃將會行簡約風，
部分主題如每星期一周記、弊說等會被取消。
取而代之將會係一系列新嘅主題。
新嘅題材會連同新嘅主題係近期內恢復。

進入尾聲。。

Art - Detroit Metal City 底特律金属之城

デトロイト・メタル・シティ
Detroit Metal City，又名DMC
华文译为《底特律金属之城》

香港译为《爆粗BAND友》
中国同台湾等地方译为《重金摇滚双面人》
係新晋漫画家若衫公德的惊人之作

故事讲述主角根岸崇一出身於小康之家
父母双全、同细佬妹嘅关系密切，係个好哥哥
佢嘅志愿係立志做一位民歌歌手
所以就係鄉下去咗东京发展，一去就去咗五年

点知佢嘅纯情歌路完全冇知音，係佢走投无路嘅时候
被地下唱片公司Death Records嘅恐怖女社长签咗
成為死亡重金属摇滚乐队《Detroit Metal City》嘅主音
重改咗够晒架势堂嘅名，叫Krauser二世

当佢一戴上假发、穿上战甲、拿起电吉他
化妆化到一脸苍白，额头写住一個《殺》字嘅时候
上咗台嘅根岸就会变身成为嚟自地狱嘅邪惡魔王
甚至連把声都会变埋，唱嘅歌更係重金属到爆

由佢作曲兼填词嘅所有歌曲
更係以強姦、暴力、死亡為主題
同佢一直钟意嘅民歌完全係天淵之別
随住DMC越嚟越受欢迎
崇一嘅內心挣扎卻就越嚟越。。。。

睇个名就知有几rock喇。。。。

唔係讲笑，係香港都18禁！
係大马想买到？惗下好喇。。。。

香港版封面，重金属到爆！

呢句最经典。。。。

D画风夸张之余。。。。

连D内容都劲变态。。。。

图片转自：贪婪大陆

按以下网址就可以睇到呢套咁经典嘅漫画
本人诚意推荐～

http://www.99770.net/Comic/3449/

睇完咁多关于DMC嘅嘢，重係觉得唔够喉咁点算？
下次有时间会介绍埋电影版同埋音乐版嘅俾大家认识
记得密切留意，千其咪走鸡～

Talk 弊 - 10th Anniversary 限量别注

今年係公司踏入第10个年头
为此周年纪念，顺理成章都会搞下D嘢咁喇
所以就依老细吩咐整咗件限量别注tee
嚟到庆祝Extreme踏入第10周年纪念之用

构思同概念方面就以简约为主
运用手势而非数目字嚟到代替《10》
能表达主题之余，更可以带出一点于平凡中的不平凡
再配以品牌不同的logo，放于件tee嘅前同后
同写上“10th Anniversary”哥德式字体配合
加埋个红黑白配色，更能直接咁带出品牌嘅摇滚宗旨

话明限量别注，件tee嘅数量当然唔多喇
加上冇係市面上发售，只係作为赠送之用
真係可以话係有钱都未必买得到
身为件tee嘅设计师，我当然会获赠一件喇

想要？可以去Extreme Shop了解下
话唔定会有意外惊喜嘎，哈哈～

Talk 弊 - Art Of Penang 城市男孩

槟城，对本人嚟讲有一种不一样的情怀
道地嘅文化加埋古色古香嘅建筑群
每次到访终会感觉到被一种本土嘅艺术气味围绕住
尤其係佐治市，感觉好怀旧、好王家卫

前几晚本太后于槟城之旅带咗本坐台日历返嚟
係本太后于佐治市一个慈善表演义卖时买嘅
此日历係由一个叫做“城市男孩”嘅艺术团体所制造嘅
听闻此团体係由当地D年轻人/学生所创
而且重係集合文化表演同埋艺术创作于一身，听落真係唔简单

日历当中的各种绘图都带有浓厚的槟城气味
每个月份都会有唔同嘅插图
以上所放嘅係日历封面同4月份嘅插图
虽然唔算得上係D乜大师级作品
但係当中D学生嘅心机係感觉得到嘅
真情流露加埋简单俐落个绘画方式
更能直接咁表露出当地人个种不一样的文化

Talk 弊 - 塞尔特人条裤同埋骑士条裤

上星期日趁住购物嘉年华啱啱开始，就去咗1U度行下
好自然咁就旧地重游去咗某间铺头度扫D平货
今次又再以超荀价係个度入手咗两条篮球裤

个款同之前所入手条芝加哥公牛嘅红黑白colourway一样
不过就换咗係青白colourway嘅波士顿塞尔特人颜色
同埋深红白colourway嘅克里夫兰骑士颜色
两条裤同样係Champion出品，鬼死咁old skool
唔洗讲个Retro指数肯定爆晒灯喇～

Talk 弊 - 生活公式

唔知点解，虽然有时D日子重未到
但都已经可以预计到跟住落嚟要做嘅嘢
可能我已经习惯咗呢种咁有计划性生活方式
好似有种人，过住D见一日过一日嘅生活
真係唔係本人可以接受嘅。。。。

我都几享受呢种生活方式嘅
工作忙碌个阵时，有压力个阵时
就要学识点样忙里偷闲
得闲做下运动、打下波，食下靓嘢、叹下世界
又或者係行下街、买下嘢，睇下书、自我增值下
虽然有阵时係要扑嚟扑去几忙碌下
都好过日日坐係屋企度，食饱瞓、瞓饱食
又或者好似D电车男咁，成日对住部电脑
乜都唔做，D日子平平淡淡咁过
我惗我真係可以死俾你睇

对你嚟讲，咁嘅生活方式
算得上係好充实，又或者係好忙碌叻？

俾你，你又会揀边样？

Talk 弊 - 篮球衫

星期六个日又一次以超荀价25蚊
係高峰广场入手咗件Adidas嘅篮球衫
蓝白colourway，贴身剪裁加埋排汗质料
咁嘅价钱，唔买又点对得住自己啫係咪先～

Talk 弊 - Only The Strong Survive

寻晚同班friend千里迢迢去到巴生度打波
地点係巴生区某间独中，对手係班十靓岁嘅细路
练波个阵个个打到鬼死咁似模似样
睇嚟呢一次都唔会好轻松嘎喇。。。。

果然，班细路个个鬼死咁狼～
出尽全力博命咁打，真係惊死我地班老嘢会赢咁
绝招出尽之余，重好似打紧功夫咁D手手脚脚周围咁飞
本人耐唔打，对到班细路都难免会有D狼狈
而且打紧波个阵都唔知几时同被边一个细路
用咗招好似《九阴白骨爪》咁嘅嘢係我只右手度狠狠咁爪落去
我都係事后睇返先发觉有几条成尺长嘅痕係个手度

不过咁，好似我以上所讲个句：
“Only The Strong Survive”
边个强，边个就有资格留係个球场度
区区几条痕，对我嚟讲根本唔算得D乜嘢
我同班friend总共打咗四场，赢咗三场
终结嚟讲都算係我地班老嘢赢嘅。。。。

係度想讲声，你地班细路嘅底牌我差唔多已经摸清晒嘎喇
下一次我返嚟个阵时一定会报仇嘅。。。。
i will be back～ 呵呵呵呵。。。。

Talk 弊 - 辅助装备

寻日买跑步鞋之余，都买咗D装备做辅助之用
首先要讲嘅係Nike嘅Terry Headband
近来D头发都留到几长下，尤其是係前面
当打波个阵往往会整到对眼好鬼唔舒服
而且重会阻住D视线，睇嘢睇唔清楚
所以就需要用到个Terry Headband嚟度绑住D头发
可以防止D头发整到对眼之余，重可以唔俾D汗流入对眼度

而第二样嘢都係同样嚟自Nike嘅Knee Sleeve
皆因本人只左脚之前因为打波而严重咁拗过柴
所以到咗今时今日，唔多唔少都会有D影响
为咗预防依家打波会唔小心伤到个旧患
免不了要用到个Knee Sleeve嚟度保护我只脚
寻晚试着咗，包扎后D质感都唔错下
用料上都算有心思，透气方面都做得几好

Talk 弊 - 跑步鞋

我有个习惯，就係做唔同嘅运动要着唔同嘅鞋
好似篮球要有篮球鞋，足球要有足球鞋
跑步要有跑步鞋，爬山要有爬山鞋等
就连行街嘅波鞋都要有唔同嘅分类
每样都分得很清楚，唔会捞乱咁嚟着

寻日又再度去咗谷中城度搵波鞋
不过咁次唔係搵篮球鞋，係搵跑步鞋
皆因至少有六到七年冇打过波咗
所以为咗练返条气，就决定买对跑步鞋
嚟度用嚟跑步，帮助恢复条气之用

本人出身地下层，对于名牌呢样嘢不嫐都係得个睇字
所以专门店D嘅嘢我唔会去睇，都冇咁嘅本事去买
再加上对鞋係辅助之用，所以平、靓、正会係我嘅第一选择
就係咁，我就係Jusco度以少过100蚊入手咗对Admiral跑步鞋
而且重俾埋个九折你，平、靓、正呢三样嘢都差唔多几乎有齐晒
款头方面，基本上都冇乜点要求
係咁易揀返对比较顺眼、似跑步鞋款嘅就算

Talk 弊 - 广东话

氹（dang）哄；例如：氹你开心 = 哄你开心
乜（mie) 什么；例如：你做乜嘢 = 你做什么
廿（nian）<数> 二十
卅（sa）<数> 三十
冇（mao）没有；例如：有冇钱？= 有没有钱？
甴曱（gad zad）蟑螂
叻（le）很棒；例如：佢啲成绩好叻啵 = 他的成绩很厉害呵
冚（hem）全部；例如：冚家铲 = 全家死光光
氹（dang）哄；例如：氹你开心 = 哄你开心
攰（gui）累

佢（qu）他或她；例如：距係边个？= 他是谁？
呃（e）骗；例如：呃神骗鬼
抦（bing）殴打；例如：我哋去抦个条友 = 我们去揍那个傢伙
拎（lin）提、拿
拗（ao）矛盾
咁（gan）如此、这样；例如：咁样啊？= 这样啊？
咗（zuo）了；例如：食咗饭未？= 吃了饭没有？
呢（ne）、哩（li）这；例如：呢啲事=这些事
乸（na）雌性；例如：鸡乸=母鸡
咦（yi）、噫（yi）感叹词，啊（奇怪）； 例如：咦？

咯（lo）语气助词
咩（mie）什么；例如：有咩事？= 有什么事？
咪（mi）不要；例如：咪走~ = 不要走~
係（xi）是；例如：係乜嚟架？= 是什么东西来的？
吊（diao）操
唓（che）语气助词，表示鄙夷 = 切
哽（geng）当然；例如：哽係 = 当然是
唔（wu）不；例如：唔係 = 不是
俾（bi）给；例如：你俾我啦~ = 你给我吧~
屙（e）排泄；例如：屙尿 = 拉尿

掂（dian）完结或状态佳之意；例如：搞掂 = 办妥
掟（ding）扔
啫（ze）语气助词；例如：唔係啫 = 不是的
啰（luo）语气助词/啰嗦
唸（nian）想；例如：我唸咁做唔好卦？= 我想这样做不好吧？
啖（dan）口；例如：咬一啖 = 咬一口
啵（bo）语气助词
靓（liang）漂亮或表示幼稚；例如：靓仔 = 帅哥/小子
揾（wen）找、挣；例如：揾食 = 谋生
睇（di）看；例如：睇电视 = 看电视

嗟（jue）语气助词，感叹声；例如：嗟~好吧毙咩？= 切~很了不起么？
嘅（ge）的；例如：你嘅道服呢？= 你的道服呢？
喔（wo）语气助词
嗮（sai）语气助词 浪费
嗰（go）那；例如：嗰啲 = 那些
嘞（le）语气助词
嘢（ge）东西；例如：有嘢睇 = 有东西看
嘈（cao）吵；例如：嘈乜鬼 = 吵什么东西
嘎（ga）语气助词；例如：唔系咁嘎~ = 不是这样的~
嘥（sai）浪费、错过；例如：咁好嘅机会嘥咗 = 这么好的机会错过了

嗻（zhe）语气助词；例如：我先至20岁嗻~ = 我才20岁呀~
潎（pie）闪，走人
撩（liao）挑逗；例如：撩事斗非 = 惹事生非
瞓（fen）睡；例如：眼瞓 = 困顿
嬲（niao）生气/一向；例如：我好嬲/必嬲喺咁嘅 = 我很生气/向来都是这样的
嫐（nao）解释同上
嚟（li）来；例如：入嚟 = 进来
囖（lo）語氣助詞
吤（ge）例：将啲橙搣开一吤吤（一片片）
妳（ni）女的“你”

惗（nie）想 例：成日惗埋晒啲衰嘢
撇（pie）闪，走人
蠹（du）例：一蠹尿
淠（pei）例：一淠屎
氽（tun）例：一氽水
晏（yan) 晏昼（下午）；食晏 = 吃午饭
嗤（chi) 打乞嗤(打喷嚏)
啋（cai）啋佢都傻 = 傻瓜才理他
嚿（huo）一嚿石头 = 一块石头
啩（gua）你会应承啩？= 你会答应吧？

掴（guo）掴你几巴 = 打你几个耳光
揩（kai）揩油 = 占小便宜
嚡（hai）粗糙；例如：条脷好嚡 = 舌头很粗糙
悭（qian）悭钱 = 省钱
呷（xia）呷醋 = 吃醋
喐（yu）喐手（动手）例：唔好"郁"
踎（meo）近读 某；蹲；佢哋习惯踎住食嘅 = 他们习惯蹲着吃
啱（ngam）唔啱着 = 不合穿；啱先 = 刚才
奀（en）近读 银；奀瘦 = 瘦弱
闩（shuan）近读 山；闩门 = 关门

呔（dai）车呔 = 车胎
唞（teo）早唞 = 晚安；唞凉 = 乘凉
劏（tang）劏猪 = 杀猪
嗌（wo)
嚄（wo)
谂（shen)
邋（la）
遢（ta）

本人对广东话嘅研究虽然唔算得上係好专业
但係都係个网度搵咗唔少比较普遍同用得着嘅广东话
就趁呢个机会係度同大家分享下
以上係一部分用华语拼音拼出嚟嘅广东话
只要跟住D拼音嚟输入就可以搵到嘎喇
希望各位想认识多D广东话嘅朋友会锺意

Talk 弊 - 波鞋

有阵时真係咪话我话
网上购物真係比行出街买嘢有趣得多
前文都已经有提到本人四周围咁搵波鞋搵咗好耐
但係搵遍晒D大商场都搵唔到冇对啱心水嘅
而且价钱方面重好贵，完全超出晒D预算

但係皇天不负有心人，终于都俾我係个网度搵到
对鞋係对黑魂版Nike Air Power Force
呢对鞋都算巴闭喇，係亚Chris网友
係美国间Foot Locker度买返嚟嘅
皆因个size唔係好啱佢，所以就忍痛咁让给我
而且重係全新+超荀价添
係度真係要讲声多谢晒俾亚Chris网友先得

所以你话喇，网购係唔係鬼死咁有趣先？

Talk 弊 - 公牛条裤

寻日啱啱係1U某间铺头以超荀价入手咗条篮球裤
红黑白colourway，加埋Champion出品
似足晒90年代芝加哥公牛条裤咁，Retro到爆～

Talk 弊 - 星期五

写咗两篇日记，日子都係星期五
惗下惗下，觉得都係冇乜好

闲时工作个阵虽然冇乜嘢写
但斋写星期五个日就变得好似怪怪地咁
所以接落嚟嘅日记会有多少变动
就係将每个星期发生嘅嘢
缩成一篇，从日记变成周记
而日期同样係星期五

照我咁惗就应该会好D
可以回顾整个星期嘅嘢同冇咁单调之余
重可以悭D时间俾我写D好嘢上嚟
睇嚟应该都会唔错下

讲多冇谓，下一篇就会係咁

Talk 弊 - 风格

睇过咁多嘅Tee，
係唔係觉得好多都是黑色嘅咁
冇错，基本上来讲大多数都係
黑色或者白色，可以算係T-Shirt中嘅基本色
我本身，就比较锺意将D设计摆係黑色衫度

好啦，係度想问下
会不会觉得D衫嘅设计比较偏向黑暗/诡异
冇错，黑暗/诡异就係本身一路嚟嘅风格
之前所upload个D就属于比较旧嘅设计
係初初入嚟呢间公司果阵时所做嘅
本身几喜欢下嘎，话晒都係跟住自己嘅惗法做出嚟嘅
依家睇返起仲觉得几黑暗，几ok下
啱晒我嘅口味，哈哈～

可惜喇，最后都係胎死腹中
老细话唔锺意，全部都唔要
话太hardcore，唔係个个人接受得到
惗返起当时都几hurt下嘎，嘻嘻～

不过咁，佢都有佢嘅道理
D衫嚟嚟去去都係黑衫白印，或者白衫黑印
虽然係，本身好锺意
但係睇得多就会变得好普通，好一成不变
佢讲到都几啱，话晒都係食盐仲多过我食米
佢就要求我加D颜色同D简单嘅设计上去
冇计 ，唯有係咁

就係咁，我就跟住佢要嘅嘢嚟做
但坚持D衬嘅颜色一定要係黑色
都好彩，到最后黑色嘅衬依然都係主打颜色
而设计个方面，就从黑暗/诡异中
演变成接住落嚟我要介绍嘅下一批设计
但就冇咁快嘅，先係度卖个关子先
嘻嘻～

通则变，变则通
有时惗到，风格对一位设计师来讲固然重要
但都要学识点样去变通，点样去跟住D潮流改变
不过，又唔可以完全迷失自己本身所拥有嘅风格喔
到目前嚟讲我本身依然都係度不停咁学习紧
保持风格同会变通之余，仲要顾及市场同消费者D要求
呢点先至艰难～

Talk 弊 - 黑色愉快

黑色愉快
歌手：软硬天师
专辑：车欠石更

小生个名叫裕快 D街坊通称"小黑怪"
皆因我左手个处 天生黑斑一大块
SO黑色我好中意 逢亲好天我就去晒
黑色我好中意 凡黑色东西我就买晒
小生个名叫裕快 D街坊通称"小黑怪"
屋企黑迷萌好愉快 黑色既抬凳仲有
黑衫沟黑裤 连袋巾都拣到FIT晒
晚黑煮黑米 日头刻苦工作又够快

小生个名叫裕快 D街坊通称"小黑怪"
点知个头睇住架黑色TV播旧戏 有紧急消息呀
话"禁晒个D BLACK COLOUR"
哗!甘样点好呀 我点都要见下巨架

小生个名叫裕快 D街坊通称"小黑怪"
家阵有左新律法 可否讲解下TELL ME WHY

*巨即刻甘等 "我讲乜你就要听
嘈嘈闭擗你入BLACK LIST
再扎扎跳就BLACK OUT
求其温你入BLACK PRISON
仲黑色呀拿 我(朕)偏偏钟意青色呀
黑色呀拿 我朕偏偏钟意紫色呀
系唔准你呀 (仲讲呀你)
唔准你呀 (仲讲呀你)

*小生个名叫裕快 D街坊通称"小黑怪"
终于走番去求巨 好鬼低声兼下气
我旧阵娶左个黑妹妹(MEI MEI) 翻去做老伴
我俩天生好登对 郎情妾意甘就破碎呀

Repeat*

唉 鬼叫巨把叫大晒 死死气翻去改过
将黑色既家私换晒 连水泥佬都即刻CALL晒
黎将屋企通处黑迷萌搞到白晒晒
但漆油D臭味 闻到我作呕兼泪满眼

Repeat*

小生个名叫裕快 D街坊通称"小黑怪"
呢排觉得好古怪 街坊把口好似换过晒....

歌词转自：http://www.funmtv.com/play/46f/10488.htm

试听：http://www.8ka.com/BF/9656.htm

一首讲述黑色嘅歌曲
歌词劲搞笑，劲抵死～

Talk 弊 - 我很黑色

黑色，我最喜爱嘅一个颜色
生活上乜嘢都係离唔开黑色

黑发 - 由此至终都冇染过发
黑指甲 - rock友的一种文化
黑框眼镜 - Gucci黑框，够old skool
黑胶表 - G-Shock DW-6900黑胶表，贪佢够硬净
黑衫 - 我自己都唔知到底有几多件
黑鞋 - Converse Jack Purcell，经典中的经典
Adidas Superstar 35th Tokyo，卖咗
Nike Dunk SB The Melvins，卖咗

身边重有好多黑色嘅嘢，多到数唔清
我:黑色
黑色:我
有边个锺意黑色嘅冇？