星期五
心情复杂
今日係年廿八，过多两日就要过年
照直嚟讲个心情应该係好开心先係
点知前几日係我身上发生咗D唔愉快嘅事
搞到我依家嘅心情有D复杂而闷闷不乐
我大伯係前几日因为交通意外而入院
当时听到个消息当场吓咗一跳
而且係好严重嘅车祸，医生话要有心理准备
果然冇几耐，坏消息就係电话度传出嚟
大伯佢过身咗。。。。
临过年前发生咁嘅事的确唔好受
个种心情可想而知係几咁复杂
而且个交通意外係被他人撞，或是自撞？
到依家依然係一个谜，而且案发现场冇目击证人
当时发生乜嘢事都冇第三者知道
不过睇D伤势可以判断係俾他人撞
而且条仆街重係撞咗就走个种
可靠消息重话大伯佢係托咗成两个钟
先俾佢返紧工而路过嘅同事发现
而迟咗送去医院，而最后都係返魂乏术
年要到，唔想咒得太多
希望你条撞咗就走嘅仆街冚家铲行路小心D
你避得一时，唔避得一世
俾我知道係边个嘅话我一定唔会放过你
Subscribe to:
Post Comments (Atom)
7 comments:
好唔开心听都你依嗰坏消息:(
我相信嗰衰人一定会有报应.
加油..希望你还好. =/
reply flo：多谢你嘅关心:)
但愿如此，D坏人会受到应得嘅报应
篇文有D粗，唔好见怪:P
还好啦．．嘅篇文唔会写得好粗啦～
係有时觉得有Ｄ难明+_+..
reply flo：好彩篇文冇吓衬你。:P
我几惊你觉得我好粗鲁，哈哈！
点样讲有D难明叻？O.O
如果甘都叫粗甘我身边有好多人更加粗咯=-="...
Erm..唔知掂样讲..就好次你睇唔明我D华语甘咯..
哈哈..XD
reply flo：哈哈！咁咪啱喇。。
你估下我，我估下你！嘻嘻。。:P
Post a Comment