Friday 星期五 - 雨天

星期五
极度潮湿

顶你个肺，最近D交通唔知发生乜事
由返工到放工都係得个塞塞塞字。。。。
加埋落雨天，塞係条路度简直生不如死～

近排唔知係咪个人老咗，或者係无聊过头
再度迷恋返打篮球，打咗都有几日喇
太耐没打，成个人几乎散晒～
再加埋剩係着对Jack Purcell，对鞋完全没D气囊
搞到我对脚重鬼死咁痛～
唉。。。。睇嚟唔认老都唔得喇。。。。

前几日，约咗时间话放工去亚Kenny度整车
点知放工个阵又落雨，搞到迟晒大到
佢都算唔话得喇，落咁大雨都係度等我
正不愧係我识咗十几年嘅老友～
check完架车，就同亚Kenny一齐去食夜晚个餐
两个人边食边倾，倾咗唔少关于生意上嘅嘢
佢係生意上嘅经验分享令我受益不浅
呢餐饭食得真係有意义～
佢重卖埋张单，搞到我鬼死咁唔好意思～

皆因着对Jack Purcell嚟打篮球真係好不掂
所以寻晚就决定同亚高佬两条友去谷中城度睇波鞋
但係D款鬼死咁少，搵嚟搵去都没对啱心水
加上budget上嘅预算唔係好多，最后都係空手而归
睇嚟唯有见步行步喇。。。。